Ковидийн улмаас ДАШТ Монголд зохион байгуулагдахгүй боллоо
Монгол улсын нийслэл Улаанбаатар хотод самбо бөхийн өсвөр, залуучуудын ДАШТ ирэх 10 дугаар сард зохион байгуулагдах байсан ч ковидийн нөхцөл байдлын улмаас буйр сэлгэн Грек улсад зохион байгуулагдахаар боллоо.
Энэ оны эхэнд олон улсын самбо бөхийн холбооноос /FIAS/ 2021 онд зохион байгуулах тэмцээнүүдийн хуваарьт Монгол улсын нийслэл Улаанбаатар хотод самбо бөхийн өсвөр, залуучуудын ДАШТ зохиогдох талаар тусгаад байсан билээ. Тэгвэл FIAS-ийн техникийн комисс Монгол улсад коронавирусийн тархалт тасралтгүй нэмэгдэж байгаа тул тамирчдын аюулгүй байдлын үүднээс арга буюу ДАШТ-ийг өөр улсад шилжүүлэхээр шийдвэрлэсэн байна. Өсвөр үе, залуучуудын ДАШТ ирэх 10 дугаар сарын 15-17-ны өдрүүдэд Грек улсын Тесалоникид зохион байгуулагдана.
Түүх сөхвөл 1973 онд насанд хүрэгчдийн анхдугаар дэлхийн аварга шалгаруулах тэмцээн Иран улсын Тегран хотноо зохион байгуулагдаж байсан бол хоёр дахь ДАШТ 1974 онд Монгол улсын нийслэл Улаанбаатар хотноо зохион байгуулагдаж байсан түүхтэй.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.