Г.Болор-Эрдэнэ Ази тивээс тав дахь медалиа хүртлээ
Олимпын төрөлт Пара-Таеквондогийн зургаа дахь удаагийн Ази тивийн аварга шалгаруулах тэмцээнд манай улсаас зургаан тамирчин өрсөлдөж гурван медаль хүртлээ.
Ливан улсын Бейрут хотноо зургаа дахь удаагийн Пара-таеквондогийн, 24 дэх удаагийн насанд хүрэгчдийн Ази тивийн аварга зохион байгуулагдаж байна. Тэмцээний эхний өдөр буюу өчигдөр пара-таеквондогийн тэмцээн явагдсан ба манай улсаас үндэсний шигшээ багийн дасгалжуулагч Л.Отгонбаатар, О.Хосбаяр нарын удирдлага дор олимпын эрхээ авсан Г.Болор-Эрдэнэ, Х.Энхтуяа нарын зургаан тамирчин өрсөлдлөө. Манай тамирчдын оноолтын мэдээллийг ЭНД дарж үзнэ үү.
Өчигдөр тулалдсан тамирчдаас дараах тамирчид маань медаль хүртсэн байна.
- К44 ангиллын -61кг жинд дэлхийн аварга шалгаруулах тэмцээн, Ази тивийн аварга шалгаруулах тэмцээний тус бүр дөрвөн удаагийн аварга Г.Болор-Эрдэнэ өрсөлдөж мөнгөн медаль хүртлээ.
- К43 ангиллын -61кг жинд Ц.Даваачулуу, К44 ангиллын -49кг жинд Х.Энхтуяа нар хүрэл медаль хүртлээ.
Ази тивийн аварга шалгаруулах тэмцээн өнөөдрөөс насанд хүрэгчдийн аварга шалгаруулах тэмцээнээр үргэлжлэн явагдаж байгаа ба манай сайт уламжлал ёсоор шууд дамжуулан үзүүлж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.