Г.Алтанбагана өрсөлдөгч бүрээ цэвэр ялсаар

Жүдо бөхийн дэлхийн аварга шалгаруулах тэмцээний тав дахь өдрөө эрэгтэйчүүдийн -90кг, эмэгтэйчүүдийн -70кг жингийн барилдаанаар үргэлжлэн явагдаж байна. 

Унгар улсын Будапешт хотноо зохион байгуулагдаж буй энэ удаагийн ДАШТ-д 118 орны 665 тамирчин оролцож байна. Монгол улсаас энэ удаагийн ДАШТ-д оролцох баг, тамирчдын мэдээллийг ЭНД дарж үзнэ үү. Тэмцээний дэлгэрэнгүй хуваарийг ЭНД дарж үзнэ үү. 

Өнөөдөр хуваарь ёсоор эрэгтэйчүүдийн -90кг, эмэгтэйчүүдийн -70кг жингийн барилдаан явагдаж байгаа ба манай улсаас ОУХМ Г.Алтанбагана, ОУХМ Ц.Энхчимэг нар барилдаж байна. 

Явцын мэдээлэл:

Эмэгтэйчүүдийн -70кг жингийн В хэсэгт ОУХМ Ц.Энхчимэг эхний тойрогт гоц мөргөсөн ба хоёрдугаар тойрогт дэлхийн аваргын хүрэл медальт БНСУ-ын Ким Сеонгеонд нэмэлт цагт ялагдсанаар тэмцээнээ дуусгалаа.

Эрэгтэйчүүдийн -90кг жингийн А хэсэгт ОУХМ Г.Алтанбагана эхний тойрогтоо Сербийн Б.Бореновичийг цэвэр ялж улмаар Чехийн Д.Кламмертийг цэвэр яллаа. Дөнгөж сая залуучуудын дэлхийн аварга Бразилын Р.Маседог торгуулиар цэвэр ялж хэсгийн аваргын төлөө барилдахаар боллоо. Г.Алтанбагана хэсгийн аваргын төлөө тус жинг тэргүүлэн барилдаж буй дэлхийн аварга Испанийн Н.Шеразадишвилитэй барилдана.  

Шууд дамжуулалтыг олон улсын жүдо бөхийн холбооны албан ёсны Youtube сувгаас хүлээн авч үзэх боломжтой.

Нэгдүгээр дэвжээг шууд үзэх

Хоёрдугаар дэвжээг шууд үзэх

Гуравдугаар дэвжээг шууд үзэх