Тэрүнофүи Г.Ган-Эрдэнэ түрүүлэхэд ганцхан даваа хэрэгтэй

Японы мэргэжлийн сумо бөхийн зуны нацу башёгийн 13 дахь өдрийн барилдааны тоймыг толилуулж байна.  

13 өдрийн дараах байдлаар дээд зиндаанд Озеки Тэрүнофүжи Г.Ган-Эрдэнэ 11 даваа, нэг унаатайгаар ганцаараа башёг тэргүүлж байна. Харин түүний араас 10 даваа, гурван унаатай Озеки Такакейшо, Эндо нар нэхэж байна. 

Башёг тэргүүлэгчид /2021.05.22/

Өчигдрийн барилдаанд башёг тэргүүлэгч Озеки Тэрүнофүжи Г.Ган-Эрдэнэ өөрийн нутаг нэгт Ичиножо А.Ичинноровоор ээлжит даваагаа авсан бол түүний араас нэхэж буй Озеки Такакейшо, Эндо нар хоорондоо учраа таарч Эндо давлаа. Ингэснээр Озеки Тэрүнофүжи Г.Ган-Эрдэнэ түрүүлэхэд ердөө ганцхан даваа үлдлээ. 

Өчигдөр /тавдугаар сарын 21-ний өдөр/ буюу башёгийн 13 дахь өдөр дээд зиндаанд барилдсан манай бөхчүүдийн даваа, унааны мэдээлэл. 

• Маэгашира 10 Тамаваши Б.Мөнх-Оргил /6-7/ - Маэгашира 14 Чиёотайрюу /9-4/
• Маэгашира 11 Чиёошома Г.Мөнхсайхан /6-7/ - Маэгашира 15 Кайсей /7-6/
• Маэгашира 5 Хошорюү С.Бямбасүрэн /6-7/ - Секиваке Таканошо /4-9/
• Маэгашира 4 Кирибаяама Б.Лхагвасүрэн /4-9/ - Маэгашира 12 Котоеко /7-6/
• Маэгашира 6 Ичиножо А.Ичинноров /8-5/ - Озеки Тэрүнофүжи Г.Ган-Эрдэнэ /12-1/ 

Одоогийн байдлаар таван зиндаанд хүч үзэж буй монгол сумочдын даваа, унааны дэлгэрэнгүй мэдээлэл:

Макүүчи зиндаа

Озэки Тэрүнофүжи Г.Ган-Эрдэнэ 12:1
Кирибаяма Б.Лхагвасүрэн 4:9
Хошорюү С.Бямбасүрэн 6:7
Ичиножо А.Ичинноров 8:5
Тамаваши Б.Мөнх-Оргил 6:7
Чиёошома Г.Мөнхсайхан 6:7

Жүрёо зиндаа

Азүмарюү С.Тодбилэг 2:9
Кёкүшүхо Т.Эрдэнэбаатар 5:8
Миторюү Б.Төрболд 9:4
Дайшохо Ч.Шижирбаяр 7:6

Макүшита зиндаа

Хокүтэнкай Г.Сүхбат 2:5
Хокүсэйхо Э.Даваанинж 5:1
Сакигакэ Я.Баттүшиг 1:5
Тамашохо Э.Энхманлай 2:4
Ёүшояама Б.Анхбаяр 4:3
Дэванорюү Т.Тэмүүлэн 6:1
Xокүтомарү Н.Чинзориг 2:4

Санданмэ зиндаа

Саданохикари Д.Наранцогт 4:2

Жонидан зиндаа

Араүма Төртогтох 5:1
Сэнхо Жигүүр 7:0