Тэрүнофүжи Г.Ган-Эрдэнэ башёг ганцаараа тэргүүлж байна

Японы мэргэжлийн сумо бөхийн зуны нацу башёгийн дөрөв дэх өдрийн барилдааны тоймыг толилуулж байна.  

Дөрвөн өдрийн дараах байдлаар дээд зиндаанд Озеки Тэрүнофүжи Г.Ган-Эрдэнэ ганцаараа нэг ч унаагүйгээр башёг тэргүүлж байна. Харин түүний араас гурван даваа, нэг унаатай 14 бөх байгаагийн дотор Ичиножо А.Ичинноров, Тамавашиа Б.Мөнх-Оргил нар багтаж байна. 

Өчигдөр /тавдугаар сарын 12-ны өдөр/ буюу башёгийн дөрөв дэх өдөр дээд зиндаанд барилдсан манай бөхчүүдийн даваа, унааны мэдээлэл. 

• Маэгашира 11 Чиёошома Г.Мөнхсайхан /2-2/ - Маэгашира 12 Котоеко /3-1/
• Маэгашира 10 Тамаваши Б.Мөнх-Оргил /3-1/ - Маэгашира 11 Котоновака /2-2/
• Маэгашира 6 Ичиножо А.Ичинноров /3-1/ - Маэгашира 5 Оношо /3-1/
• Маэгашира 5 Хошорюү С.Бямбасүрэн /1-3/ - Маэгашира 4 Кирибаяама Б.Лхагвасүрэн /1-3/
• Озеки Тэрүнофүжи Г.Ган-Эрдэнэ /4-0/ - Комүсүби Митакеуми /3-1/

Манай бөхчүүд болох Хошорюү С.Бямбасүрэн болон Кирибаяама Б.Лхагвасүрэн нар хоёр дахь удаагаа хоорондоо учраа тааран барилдаж Кирибаяама Б.Лхагвасүрэн давлаа. Мөн түүнчлэн башёг тэргүүлэгчид болох Озеки Тэрүнофүжи Г.Ган-Эрдэнэ болон Комүсүби Митакеуми нар хоорондоо учраа таарч барилдахад Озеки Тэрүнофүжи Г.Ган-Эрдэнэ давлаа.