Долоон жинд дэлхийн чансааг тэргүүлэгчид зодоглоно

Жүдо бөхийн Европын аварга шалгаруулах тэмцээн өнөөдөр албан ёсоор эхэлнэ. 

Португали улсын Лисбон хотноо зохион байгуулагдах жүдо бөхийн Европын аварга шалгаруулах энэ удаагийн тэмцээнд 45 орны 359 жүдоч барилдана. Олимпын наадмын өмнөх томоохон сорил болох энэхүү тэмцээнд Европ тивийн бүх шилдгүүд зодоглох ба долоон жинд дэлхийн чансааг тэргүүлэгчид зодоглохоор болжээ. Тодруулбал:

• -48кг жинд Красники Дистриа /Косово/
• -52кг жинд Амандине Бушард /Франц/
• -70кг жинд Гахие Марие Еве /Франц/
• -81кг жинд Кассе Маттиас /Белги/
• -90кг жинд Шеразадишвили Ноколоз /Испани/
• -100кг жинд Липартелиани Варлам /Гүрж/
• +100кг жинд Крпалек Лукас /Чех/

Мөн түүнчлэн найман жинд дэлхийн хошой аварга Украйний Дариа Билодид тэргүүтэй дэлхийн чансааны №2-т эрэмбэлэгдэж буй тамирчид оролцох шилдгүүдийн цугларалт болж байна. 

Тэмцээний хуваарь /Улаанбаатарын цагаар/:

Дөрөвдүгээр сарын 16 /Баасан гараг/

16:30 цагт эмэгтэйчүүдийн -48, -52, 57кг, эрэгтэйчүүдийн -60кг, -66кг жингийн хэсгийн барилдаан. 
00:00 цагаас дээрх жингүүдийн шигшээ барилдаан