Тээврийн цагдаагийн албаны жижүүрийн шуурхай удирдлагын хэлтэст нийт өнгөрсөн амралтын өдрүүдэд 386 дуудлага мэдээлэл хүлээн авснаас зам тээврийн ослын шинжтэй 268 дуудлага мэдээллийг хүлээн авч шийдвэрлэж ажиллажээ. 

Бүртгэгдсэн зам тээврийн ослын улмаас 7 хүн гэмтэж, ноцтой зам тээврийн ослын улмаас орон нутагт 1 хүний амь нас хохирсон байна.

Нийт хүн бэртсэн ослыг хэлбэрээр нь авч үзвэл

• Явган зорчигч мөргүүлэх хэлбэрээр 5 бүртгэгдсэн байна.
• Алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон нийт 147  зөрчил илрүүлсний 94 нийслэлд, 53 орон нутагт бүртгэгдэж хуулийн дагуу хариуцлага тооцсон байна.

Ноцтой зам тээврийн ослын улмаас дурдвал:

• 2021.03.10-ны 14.00 цагийн орчимд Архангай аймгийн Эрдэнэмандал сумын Тээл багийн нутаг Хөрөнгө гэх газарт сумын төвөөс 16 км шороон замд Dayun маркийн улсын дугааргүй мотоцикл онхолдож, ослын улмаас жолоочийн амь нас хохирсон.

Монгол улсын замын хөдөлгөөний дүрэмд Явган хүний зохицуулдаггүй гарц руу ойртон ирсэн жолооч хурдаа хасаж, уг гарцаар гарч байгаа болон гарахаар завдаж байгаа явган зорчигчид зогсож зам тавьж өгнө гэж заасан байдаг. Иймд жолооч та бүхэн хөдөлгөөний аюулгүй байдлыг ханган уулзвар гарц руу ойртон ирэхдээ хурдаа хасаж, анхаарал болгоомжтой зорчихыг цагдаагийн байгууллагаас анхааруулж байна.

---