Жүдо бөхийн Ташкентын их дуулга тэмцээнд урамтай сайхан барилдаж медаль хүртсэн бөхчүүдийнхээ барилдааны бичлэгүүдийг цувралаар толилуулж байна. 

Тэмцээний эхний өдөр гайхалтай барилдаануудыг хийж алтан медальт хүртсэн МУГТ М.Уранцэцэг аваргын бүх барилдааныг үзэхийг хүсвэл ЭНД, хоёр дахь өдөр мөн л ганган барилдаануудыг хийж түрүүлсэн ОУХМ Ц.Цогтбаатарын барилдаануудын бичлэгийг үзэхийг хүсвэл ЭНД дарна уу. Харин тэмцээний сүүлийн өдөр эрэгтэйчүүдийн -100кг жинд таван бөхийг цэвэр ялж хүрэл медаль хүртсэн ОУХМ Б.Гончигсүрэнгийн барилдааны бичлэгүүдийг ЭНД дарж үзнэ үү. 

Өнөөдөр жүдо бөх сонирхогчдодоо зориулан эмэгтэйчүүдийн -52кг жинд мөнгөн медаль хүртсэн залуучуудын олимпийн мөнгө, залуучуудын дэлхийн аварга ОУХМ Л.Сосорбарамын барилдааны бичлэгүүдийг толилуулж байна. 

Л.Сосорбарамын эхний тойрогт "2018 оны Ташкентын гран при" тэмцээний хүрэл медальт Португалийн бөхийг цэвэр ялсан юм.

Хоёрдугаар тойрогт Узбекистаны бөхийг нэмэлт цагт яллаа.

Хэсгийн аваргын төлөө олимпийн мөнгө, дэлхийн аваргын хүрэл медальт БНСУ-ын алдарт Ж.Бокёонгийг цэвэр ялж хагас шигшээд барилдах эрхтэй болсон юм. 

Хагас шигшээ барилдаанд европын өсвөр, залуучуудын европын аварга Сербийн П.Надеждаг ваза-ари үнэлгээгээр ялж алтан медалийн төлөө барилдах эрхтэй болсон ч бэртлийн улмаас аваргын төлөөх барилдаанд гарч ирж чадсангүй. ОУХМ Л.Сосорбарам ийнхүү их дуулга ангиллын тэмцээнээс хоёр дахь мөнгөн медалиа хүртлээ.