АН-ын дарга С.Эрдэнийн шийдвэрээр О.Баасанхүү АН-ын нарийн бичгийн дарга болжээ
УИХ-ын гишүүн асан О.Баасанхүү Ардчилсан намын Хууль зүйн асуудал эрхэлсэн нарийн бичгийн даргаар томилогджээ.
Анхлан улс төрд орж ирэхдээ МАХН-ын гишүүн байсан тэрбээр 2016 онд Орхон аймагт ялалт байгуулж УИХ-ын гишүүн болсон. Гэвч гишүүнээр ажиллаж байх хугацаандаа МАХН-аас гарч Ардчилсан намд элссэн юм.
2020 оны сонгуулиар өөрийн тойрогт нэр дэвшин өрсөлдсөн ч дахин сонгогдож чадаагүй тэрбээр өнгөрсөн хугацаанд өөрийн үүсгэн байгуулсан хуулийн фермдээ өмгөөлөгчөөр ажиллаж нам гүм байх болсон.
Өнөөдөр тэрбээр Ардчилсан намын "Хууль зүйн асуудал эрхэлсэн нарийн бичгийн дарга"-аар томилогдсон тухайгаа цахим хуудсаараа илэрхийллээ.
Сүүлийн үед Ардчилсан нам дотроо түнжин хагарч хоёр ч даргатай болоод буй. Тэгвэл О.Баасанхүү нь С.Эрдэнэ даргын томилгоогоор дээрх албан тушаалд очиж байгаа ажээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.