Өнгөрсөн 2020 оны эхний 11 сард БНХАУ-ын Монгол Улсаас импортолсон коксжих нүүрсний хэмжээ 22.8 сая тонн буюу өмнөх оны мөн үеэс 29 хувиар буурчээ. Ингэснээр тус улсын коксжих нүүрсний нийт импортын 32.12 хувийг эзэлсэн байна. Харин Австралиас импортолсон коксжих нүүрсний хэмжээ 15 хувиар нэмэгдэж 35.36 сая тоннд, Канадаас импортолсон коксжих нүүрсний хэмжээ 38.1 хувиар өсч 4.15 сая тоннд, ОХУ-аас импортолсон коксжих нүүрсний хэмжээ 2.2 хувиар өсч, 5.55 сая тоннд тус тус хүрчээ.

Цар тахлын нөхцөл байдлын улмаас 2020 онд манай улсын коксжих нүүрсний экспорт буурсан юм. Энэ нь БНХАУ-ын боомтод урьдчилан сэргийлэх хяналтыг чангатгасантай холбоотойгоор тээвэрлэлт удааширсантай холбоотой.
Монголын Гашуунсухайт, Шивээхүрэн, Ханги, Замын-Үүд, Цагаандэл уул болон Булган гэсэн боомтуудаар коксжих нүүрс Хятад улс импортолж байна.

---