СУМО ТОЙМ: Гурван башё дараалан Япон бөх түрүүллээ

Японы мэргэжлийн сумо бөхийн Хацу башёгийн сүүлийн өдрийн барилдааны тоймыг толилуулж байна. 

Башё эхлэхээс өмнө их аварга Хакүхо М.Даваажаргал тэргүүтэй дөрвөн дэвжээний 65 бөхийн шинжилгээний хариу эерэг гарсан, гэмтлийн улмаас Какүрюү М.Ананд тэргүүтэй 30 гаран бөх хацу башёг өнжсөн юм. Ийнхүү гурван башё дараалан аваргуудгүй барилдаан болж дараалан Япон бөх түрүү хүртлээ. Энэ удаад маэгаширагийн 1-т эрэмбэлэгдэн барилдсан Дайейшо 13 давж түрүү хүртлээ. 

Монгол бөхчүүдийн хувьд 22 сумоч барилдахаар банцүкэд бичигдсэн ч дээр дурдсан ковид болон гэмтлийн улмаас зургаан бөх башёг өнжиж 16 бөх башёд зодоглолоо. Манай бөхчүүдийн хацу башёд үзүүлсэн амжилтуудаас:

• Макүшита зиндаанд Сакигакэ Я.Баттүшиг түрүүллээ.
• 16 бөх барилдсанаас 12 бөх 50-иас дээш хувийн амжилт үзүүлсэн буюу качикоши хийлээ. 
• Сэкеваке Тэрүнофүжи Г.Ган-Эрдэнэ 11 даваа авч башёг амжилттай өндөрлүүлэн Гиношо шагналыг гурав дахь удаагаа хүртлээ. 

Тусгай шагнал хүртсэн бөхчүүд

Хацу башёд Монгол бөхчүүд:

Макүүчи зиндаа

• Тэрүнофүжи Ган-Эрдэнэ /11-4/
• Тамаваши Мөнх-Оргил /6-9/
• Кирибаяама Лхагвасүрэн /8-7/
• Ичиножо Ичинноров /9-6/
• Хошорюү Бямбасүрэн /9-6/

Жүрёо зиндаа

• Азүмарюү Тодбилэг /7-8/
• Миторюү Төрболд /8-7/

Макүшита зиндаа

• Даишохо Шижирбаяр /4-3/
• Хокүтэнкаи Сүхбат /4-3/
• Тамашохо Энхманлай /4-3/
• Сакигакэ Баттүшиг /6-1/
• Даитэнма Чинзориг /3-4/
• Дэванорюү Тэмүүлэн /3-4/

Санданмэ зиндаа

• Ёошояама Анхбаяр /5-2/
• Саданохикари Наранцогт /6-1/

Жонокүчи зиндаа

• Араүма Төртогтох /6-1/