LIVE: МУГТ М.Уранцэцэг аварга дэвжээнээ гарч ирлээ

Жүдо бөхийн "Мастерс-2021" тэмцээний бүх дэвжээг шууд дамжуулан үзүүлж байна. 

Өнөөдөр хуваарийн дагуу хөнгөн таван жингийн барилдаан явагдах ба манай улсаас МУГТ М.Уранцэцэг тэргүүтэй есөн бөх барилдаж байна. Өнөөдөр барилдаж буй манай бөхчүүдийн оноолтын мэдээллийг ЭНД дарж үзнэ үү.

Явцын мэдээлэл:  

Өнөөдрийн манайхны салхийг хагалан эмэгтэйчүүдийн -48кг жинд Мастерс 2019 тэмцээний мөнгөн медальт Г.Наранцэцэг Африк тивийн хошой аварга Өмнөд Африкийн Г.Уайтбойг яллаа. Гэвч хоёрдугаар тойрогт Португалийн К.Костад ялагдан тэмцээнээ дуусгалаа. 

Эрэгтэйчүүдийн -66кг жинд Мастерсийн хүрэл медальт Ё.Басхүү Африк тивийн 4 удаагийн аварга Египт улсын М.Абделмавгоуг цэвэр яллаа. 

Эмэгтэйчүүдийн -52кг жинд залуучуудын олимпийн мөнгө, дэлхийн аварга Л.Сосорбарам Лондон 2012 олимпийн наадмын хүрэл медальт Белгийн Ч.Ван Сникт ялагдан тэмцээнээ дуусгасан бол өнгөрсөн оны Дюсселдорфийн Их дуулгын хүрэл медальт Б.Хорлоодой залуучуудын ДАШТ-ий мөнгөн медальт Израилийн Г.Примог нэмэлт цагт буулган авлаа.

Эмэгтэйчүүдийн -57кг жинд олимпийн наадмын мөнгө, дэлхийн аварга, Мастерс тэмцээний дөрвөн удаагийн аварга МУГТ Д.Сумъяа Румын улсын бөхийг цэвэр яллаа.

Эрэгтэйчүүдийн -60кг жинд залуучуудын дэлхийн аваргын хүрэл медальт Л.Өнөболд эхний тойрогт гоц мөргөж улмаар хоёрдугаар тойрогт АНУ-ын А.Диазыг цэвэр яллаа.  

Яг одоо нэгдүгээр дэвжээнээ дэлхийн аваргын иж бүрэн медальт, Мастерс тэмцээний алт, хүрэл медальт МУГТ М.Уранцэцэг Мастерийн нэг мөнгө, гурван хүрэл медальт ОХУ-ын И.Долговатай барилдаж байна. Тэд дөрөв дэх удаагаа Мастерст дараалан таарч байгаа нь энэ бөгөөд М.Уранцэцэг аварга 2017, 2018 онуудад ялагдсан ч 2019 онд ялсан байдаг. 

НЭГДҮГЭЭР ДЭВЖЭЭГ ШУУД ҮЗЭХ

ХОЁРДУГААР ДЭВЖЭЭГ ШУУД ҮЗЭХ

ГУРАВДУГААР ДЭВЖЭЭГ ШУУД ҮЗЭХ