Жүдо бөхийн Мастерс тэмцээний хуваарь

Жүдо бөхийн энэ оны эхний бөгөөд олимпийн наадмын өмнөх жүдо бөхийн хамгийн том сорил тэмцээн болох Мастерс тэмцээн хоёр хоногийн дараа эхэлнэ. 

Катар улсын Доха хотноо жүдо бөхийн жин жингийн шилдгүүд хуран цуглах Мастерс тэмцээнд урьдчилсан мэдүүлгээр таван тивийн 70 орны 400 жүдоч өрсөлдөхөөр урьдчилсан мэдүүлгээ өгөөд байгаа ба хамгийн өргөн бүрэлдэхүүнтэй оролцож байгаа нь ОХУ-ын баг тамирчид байна. Тэд энэ удаагийн Мастерс тэмцээнд эрэгтэй 20, эмэгтэй есөн тамирчин буюу нийт 29 тамирчны бүрэлдэхүүнтэй оролцож байгаа бол манай улс эрэгтэй 10, эмэгтэй зургаа буюу нийт 16 тамирчны бүрэлдэхүүнтэйгээр оролцож байна. 

Мастерс тэмцээнд оролцох манай баг бүрэлдэхүүний мэдээллийг ЭНД дарж үзнэ үү.

Тэмцээний хуваарь /Улаанбаатарын цагаар/

Нэгдүгээр сарын 11-ний өдөр /тэмцээний эхний өдөр/

15:00 цагаас: Эрэгтэйчүүдийн -60, -66, эмэгтэйчүүдийн -48, -52, -57кг жингүүдийн хэсгийн барилдаан. 

22:00 цагаас: Эрэгтэйчүүдийн -60, -66, эмэгтэйчүүдийн -48, -52, -57кг жингүүдийн шигшээ барилдаан. 

Нэгдүгээр сарын 12-ны өдөр /тэмцээний хоёр өдөр/

15:00 цагаас: Эрэгтэйчүүдийн -73, -81, эмэгтэйчүүдийн -63, -70кг жингүүдийн хэсгийн барилдаан. 

22:00 цагаас: Эрэгтэйчүүдийн -73, -81, эмэгтэйчүүдийн -63, -70кг жингүүдийн шигшээ барилдаан. 

Нэгдүгээр сарын 13-ны өдөр /тэмцээний сүүлийн өдөр/

15:00 цагаас: Эрэгтэйчүүдийн -90, -100, +100, эмэгтэйчүүдийн -78, +78кг жингүүдийн хэсгийн барилдаан. 

22:00 цагаас: Эрэгтэйчүүдийн -90, -100, +100, эмэгтэйчүүдийн -78, +78кг жингүүдийн шигшээ барилдаан. 

Манай сайт уламжлал ёсоор Мастерс тэмцээний хэсгийн барилдаанаас эхлэн бүх дэвжээний барилдааныг нэгэн зэрэг шууд дамжуулан үзүүлэх болно.