Монголчууд сумод аваргагүй боллоо
Японы мэргэжлийн сумо бөхийн 71 дэх аварга Какүрюү М.Ананд Япон улсын иргэншилтэй болсон тухай Японы хэвлэлүүд мэдээллээ.
Японы сумо бөхийн холбооноос аливаа бөх тус холбоонд ажиллах, дэвжээ удирдахын тулд Япон улсын иргэншилтэй байх шаардлагатай байдаг. Энэ дагуу Монголоос төрсөн сумо бөхийн 69 дэх их аварга Хакухо М.Даваажаргал өнгөрсөн оны есдүгээр сард Япон улсын иргэншилтэй болж байлаа. Какүрюү М.Ананд Япон улсын иргэншил авч буй дөрөв дэх Ёкозуна буюу сумо бөхийн аварга болж байна.
Какүрюү М.Ананд аваргын хувьд сүүлийн саруудад башёг гэмтлийн улмаас өнжиж байгаа ба Япон улсын иргэншил авах болсон нь тун удахгүй зодог тайлах магадлалтай болсныг илтгэж буй хэрэг биз.
Сурталчилгаа
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.