Уолт Дисней 32,000 ажилтнаа хална

Алдарт Уолт Дисней компани өмнө нь 4,000 ажилтнаа халах тухайгаа мэдээлж байсан бол энэ удаад 32,000 ажилтнаа халахаар төлөвлөсөн гэдгээ мэдээллээ.

Коронавируст цар тахлаас болж дэлхий даяар сүлжээтэй Диснейн зугаа цэнгэлийн газрууд, амралтын бизнесүүд зогсонги байдалд орсон. Үүнтэй холбогдуулаад ирэх жилийн гуравдугаар сар гэхэд 32,000 ажлын байрыг чөлөөлөх юм байна.

Дисней компани дэлхий даяар 223,000 ажилтантай бөгөөд өнгөрсөн есдүгээр сард 28,000 ажлын байр чөлөөлөхөө аль хэдий нь мэдэгдээд байгаа. Тус компани санхүүгийн бэрхшээлтэй тулгарч байгаа тул ноогдол ашиггүй болсноор тэтгэвэр, тэтгэмжийн санд оруулдаг хувиа бууруулах болон зогсоож магадгүй болсон байна. Мөн телевиз, кино үйлдвэрлэлийн салбарт хөрөнгө оруулалтаа царцааж, дахин хэдэн мянган ажилтан нэмж халж магадгүй гэдгийг анхааруулжээ. Түүнчлэн хэд хэдэн томоохон кино төслийнхөө нээлтийг хойшлуулсан байна.

АНУ-ын нутаг дэвсгэрт үйл ажиллагаа явуулдаг Диснейн цэнгэлдэх хүрээлэнгүүдэд л гэхэд 100,000 хүн ажилладаг байна. Энэ жилийн 3-5 дугаар саруудад Хойд Америк, Ази, Европ тивүүдэд байдаг Диснейн 12 цэнгэлдэх хаалттай байсан. Үүний дараа Шанхай, Флоридагийн паркууд дахин нээгджээ.

Эх сурвалж: CNN