LIVE: Хошорюү Бямбасүрэн өнөөдөр башёг тэргүүлэгчтэй барилдана

Японы мэргэжлийн сумо бөхийн 11 дүгээр сарын Кюүшү башёгийн 11 дэх өдрийн барилдааныг шууд дамжуулан үзүүлж байна. 

10 өдрийн дараах байдлаар монгол бөхчүүдийн даваа унааны дэлгэрэнгүй мэдээлэл болон Кюүшү башёгийн 10 дахь өдрийн барилдааны тоймыг ЭНД дарж үзнэ үү. 

Өнөөдөр Комүсүби Тэрүнофүи Г.Ган-Эрдэнэ, Маэгашира 5 Мёогирюутэй барилдах бол дээд зиндаанд барилдаж буй манай бусад бөхчүүд дараах оноолттой байна. 

• Кирибаяама Лхагвасүрэн /1-9/ - Маэгашира 7 Точиношин /5-5/
• Тамаваши Мөнх-Оргил /6-4/ - Маэгашира 2 Дайейшо /7-3/
• Хошорюү Бямбасүрэн /6-4/ - Маэгашира 17 Шиманоуми /9-1/
• Ичиножо Ичинноров /3-7/ - Маэгашира 12 Ютакаяама /3-7/
• Чиёошома Мөнхсайхан /6-4/ - Маэгашира 9 Токушорюу /5-5/

Найман даваа, хоёр унаатай яваа Комүсүби Тэрүнофүи Г.Ган-Эрдэнэ, Мёогирюутэй өмнө нь 13 удаа тааран барилдахдаа 10 удаад нь давж байсан түүхтэй.