Инстаграм хуудас ашиглан нялх хүүхдүүд зарах гэж байсныг илрүүлжээ
Иран улсын эрх баригчид Инстаграм хуудас ашиглан нялх хүүхдүүд зарахыг оролдсон гурван эрэгтэйг баривчлан саатуулжээ. Гэмт этгээдүүд төрөөд ердөө гурван долоо хоносон болон нэг сартай нярай хүүхдүүдийг зарахыг оролдсон байна.
Тегераны цагдаагийн ажилтнууд гэмт этгээдүүдийн онлайнаар худалдсан гурав дахь нярайн талаарх мэдээллийг илрүүлсэн боловч хүүхдийг хараахан олж чадаагүй байна. Нярай хүүхдүүдийг Инстаграм болон ХабарОнлайн цахим хуудсуудаар сурталчлан зарах гэж байхад нь олж аварчээ.
Гэмт этгээдүүд ядуу гэр бүлээс хүүхдүүдийг ойролцоогоор 50 сая риал буюу 1,000 гаруй ам.доллараар худалдаж аван цааш дамлахдаа хүүхэд нэг бүрийг 400 сая риал буюу 10,000 ам.доллараар худалдана хэмээн зар тавьсан байсныг Тегераны цагдаагийн ахлах офицер Хуссейн Рахими хэлжээ.
Инстаграм хуудсыг эзэмшдэг Фэйсбүкийн албан ёсны төлөөлөгч хэргийг мөрдөн шалгаж байгаа бөгөөд энэ мэт хууль бус үйлдлийг хүлээн зөвшөөрөхгүй гэдгийг мэдэгдсэн байна.
Эх сурвалж: CNN
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.