ОХУ-аас 200 орчим иргэнээ татан авч байна
ОХУ-аас нутаг буцах хүсэлтэй монгол иргэдийг татан авахаар шийдвэрлэсний дагуу өчигдөр ОХУ-аас ирэх хүсэлтэй 207 иргэн Улаан-Үдээр дамжин Алтанбулаг боомтоор нэвтэрсэн билээ.
Өчигдөр ирсэн иргэдээс хоёр иргэнийг сэжигтэй тохиолдлоор Сэлэнгэ аймагт, 13 иргэнийг сэжигтэй тохиолдлоор Дархан-Уул аймагт, ажиглалтад 129 иргэнийг Баянбуурал амралтад, 61 иргэнийг Орхон аймагт нийт 205 иргэний эрүүл мэндийн байдалд тандалт хийж, биеийн халууныг хэмжин асуумж судалгаа авч түр тусгаарлахаар шилжүүлсэн байна.
Тэгвэл өнөөдөр ОХУ-аас эх орондоо ирж буй 200 орчим иргэнийг Алтанбулаг боомтоор татан авах ажиллагаа явагдаж байна. Тэдний биеийн халууныг үзэж, асуумж, тандалт судалгааг авснаар тусгаарлах байруудад хуваарилж, 21 хоног ажиглалтад байлгана.
ГХЯ-ны Консулын газрын захирал Л.Мөнхтүшиг "Тавдугаар сарын 15-нд Эрхүү хотоос 200 орчим иргэнийг Алтанбулаг боомтоор татан авна" хэмээн мэдээлж байв.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.