Малайзад монгол эмэгтэй биеэ үнэлж байгаад баригджээ
Малайзын нийслэл Куала-Лумпурын цагдаа нар Персиаран Кеважипан замын ойролцоох нэгэн зочид буудлаас гадаадын таван эмэгтэйг биеэ үнэлсэн хэргээр саатуулсан байна. 24-35 насны эдгээр эмэгтэйчүүд дунд нэг монгол, нэг казак, гурван хятад эмэгтэй байжээ.
Баривчилгааг үйлдсэн Селангор мужийн Мөрийтэй тоглоом, нууц нийгэмлэгтэй тэмцэх хэлтсийн дарга Азми Шукор “Анхан шатны мөрдөн шалгах ажиллагаагаар эдгээр эмэгтэйчүүд садар самуун үйлдлүүд хийж байгааг тогтоосон бөгөөд тэд үйлчлүүлэгчдээсээ 45 минутад 330-350 малайз ринггит (212,000-225,000 төгрөг), нэг шөнийн 2000 малайз ринггит (ойролцоогоор 1,300,000 төгрөг) авдаг байсан нь тогтоогдсон” гэв.
Цагдаа нар мөн гар утас, бэлгэвч, бэлэн мөнгө зэрэг эд мөрийн баримтыг хураан авсан байна. Тэдний үзэж буйгаар нутгийн нэгэн эрэгтэй WhatsApp, WeChat зэргийг ашиглан сүүлийн нэг сарын туршид бүх үйл ажиллагааг удирдаж, зочид буудлын өрөөнүүдийг биеэ үнэлэх цэг болгон ашигладаг байжээ.
Эх сурвалж: The Sun Daily
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.