Италид ажилласан ОХУ-ын цэргийн эмч, мэргэжилтнүүд эх орондоо эргэн иржээ
Итали улс дах коронавирусийн дэгдэлттэй тэмцэхээр явсан ОХУ-ын цэргийн эмч, мэргэжилтнүүд эх орондоо эргэн иржээ.
Итали улсын халдварын тархалтын эсрэг хүчин чармайлтад туслахаар одсон Оросын цэргийн цацраг, хими болон биологийн хамгаалалтын ангиуд тавдугаар сарын 7-ноос эхлэн буцахаар болсныг ОХУ-ын Батлан хамгаалах яамны сайд Сергей Шойгу мэдэгдсэн байна.
Италийн хойд хэсэгт халдвар ихээр тархаад байсан өнгөрөгч гуравдугаар сард ОХУ-аас цэргийн хүчин болон тоног төхөөрөмжийн тусламжийг Итали руу илгээсэн юм. Гуравдугаар сарын 22-25-ны хооронд Оросын 15 онгоц бараг 100 нян судлаач, халдварт өвчин судлаач болон найман эмнэлгийн бригад, түүнчлэн оношилгоо, халдваргүйжүүлэх төхөөрөмжийг Италид хүргэжээ.
Орос мэргэжилтнүүд Италийн хамгийн их халдварт өртсөн Бергамо хот болон түүний эргэн тойронд ажилласан байна. Энэ сарын 5 гэхэд Оросын цэргийн мэргэжилтнүүд Италийн цэргийнхэнтэй хамтран Ломбард мужийн 90 гаруй асрамжийн газруудад бүрэн халдваргүйжүүлэлт хийжээ.
Эх сурвалж: BCC, TASS
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.