БНХАУ-д коронавирусийн 17 шинэ тохиолдол бүртгэгдлээ

БНХАУ халдварт цар тахлыг ялан дийлсэн гэж үзсэн тул эдийн засаг, бизнесийн байгууллагуудын үйл ажиллагааг эргэн сэргээж, хорио цээрийн дэглэмийг сулруулаад байсан юм. Тэгвэл өнөөдөр өглөөний байдлаар тус улсад хоёр дахь хоногтоо дараалан 10 гаруй шинэ тохиолдол бүртгэгдлээ.

Жилин мужийн Шулан хотод коронавирусийн халдварын 11 шинэ тохиолдол бүртгэгдсэн тул хорио цээр, хөл хорионы дэглэмийг үргэлжлүүлэн мөрдөхөөр боллоо. Угаалгын газрын эмэгтэй халдвар авснаас бусад 10 орчим ойрын холбоотой хүнд халдаасан гэж хотын эрх баригчид мэдэгдээд байна.

45 настай эмэгтэй нөхөр, эгч дүүс болоод гэр бүлийнхээ бусад гишүүнд халдварлуулсан ба ойрын хугацаанд хотоос гарсан бүртгэлгүй байгаа ажээ.

Шулан хотын захиргаа албан газруудын үйл ажиллагааг бүхэлд нь зогсоож, ард иргэдийг гэрээсээ гарахгүй байхыг шаардсан байна. Мөн олон нийтийн тээврийн хэрэгслийг түр зогсоож, хотын нутаг дэвсгэрийг өндөр эрсдэлтэй бүсэд багтаажээ. Уг хот нь Умард Солонгостой хиллэдэг бөгөөд тус улсад халдварын тохиолдол албан ёсоор бүртгэгдээгүй ч ажиглагчид нуун дарагдуулж байна хэмээн буруутгасаар байгаа юм.

Энэ хооронд Ковид-19 анхлан бүртгэгдсэн Хубей мужийн Ухань хотод халдварын таван шинэ тохиолдол бүртгэгджээ.

Эх сурвалж: ВВС