Энэ явдал 2017 оны арваннэгдүгээр сард Их Британийн Харроу хотод амьдардаг Расселлийн гэр бүлд тохиожээ. 14 настай Молли Рассел унтлагын өрөөндөө нас барсан байдалтай олдсон юм.

Удалгүй түүний аав Ян Расселл охин нь олон нийтийн цахим сүлжээгээр өөрийгөө гэмтээх болон амиа хорлох талаар сэтгэл гутармаар мэдээллүүдийг байнга үздэг байсныг олж мэджээ.

Тэрээр сэтгүүлчдэд “Охин маань жирийн өсвөр насны хүүхэд байсан. Тэр амьдрах сонирхолтой хүн шиг харагддаг байсан" гэжээ. Харин охин нь гэр бүлийнхэндээ “Уучлаарай. Би үүнийг өөрөөсөө болж хийсэн" гэсэн захидал үлдээсэн байжээ.

Ян Рассел Инстаграмыг охиноо амиа хорлоход хүргэсэн хэмээн буруутгаж байгаа аж. Тэрээр Инстаграмын алгоритм охинд нь ижил төрлийн агуулгатай илүү олон зүйлсийг харуулсан гэж итгэж байгаа юм.

Сүүлийн 20 жилийн хугацаанд өөрсдийгөө гэмтээн эмнэлэгт хэвтсэн хүмүүсийн тоо 7 мянгаас 13 мянга болж нэмэгдсэн байна. Харин Инстаграм өөрийгөө гэмтээх, амиа хорлох, хооллох дурын эмгэг болон бусад зохисгүй агуулгатай контентыг хязгаарлахын тулд чадах бүхнээ хийж байгаа хэмээн мэдэгджээ.

Эх сурвалж: anews.com

---