Бэлтгэлээ хийсэн тамирчин бүрийг урамшуулна
Монголын таеквондогийн холбооноос цар тахлын тархалтын улмаас бэлтгэл сургуулилтандаа хамрагдаж чадахгүй байгаа хэдий ч гэрийн нөхцөлд бэлтгэлээ тасалдуулалгүй хийж буй тамирчдаа урамшуулах зорилгоор "Таеквондочид бэлтгэлээ тасалдуулдаггүй" сошиал уралдаан зарлаж дүнгээ гаргасан байна.
Тус уралдаанд нийслэлийн Баянгол дүүргийн "Олимп" таеквондо клубын тамирчин Н.Мөнхсүлд түрүүлж 800 гаруй мянган төгрөгийн үнэ бүхий таеквондогийн иж бүрдлээр шагнуулахаар болсон бол холбооны зүгээс уралдаанд идэвхтэй оролцон, бэлтгэлээ тасалдуулалгүй хийж буй тамирчин бүрээ нэмж урамшуулахаар болсон байна. Тэрхүү урамшуулал нь: таеквондогийн тамирчин бүрд зайлшгүй хэрэгцээ болсон нэг бүр нь 80 ам.долларын үнэ бүхий Daedo брендийн электрон онооны хэрэгсэл байна хэмээн Монголын таеквондогийн холбооноос мэдээллээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.