7 сар хүртэл жүдо бөхийн ямар ч тэмцээн зохион байгуулагдахгүй

Дэлхийн нийтийг хамраад буй Ковид-19 халдварын тархалтын улмаас олон улсын жүдо бөхийн холбооноос цаг үеийн асуудлаар мэдэгдэл гаргалаа. 

Тус мэдэгдэлд тусгагдсан онцлох мэдээллийг хүргэж байна. 

• Токио-2020 олимпийн наадам хойшлогдсонтой холбоотойгоор олимпийн их наадамд оролцох тамирчдын чансааны эрэмбийг 2021 оны зургаадугаар сарын 29-ний өдрөөр эцэслэхээр боллоо.
• 2020.06.30-ны өдрийг хүртэл олон улсын жүдо бөхийн холбооноос ямар нэгэн тэмцээн уралдаан зохион байгуулахгүй. Гэвч энэхүү хугацаа нь ковид-19 вирусийн тархалтын байдлаас хамаарах тул өөрчлөгдөж болзошгүй. 
• Олимпийн наадмаас өмнө зохион байгуулагдах тэмцээний тоо болон хуваарийг гаргахдаа олон улсын бүх тамирчдад ижил тэнцүү боломж олгох нөхцөлийг нэн тэргүүнд харгалзан хуваарилалт хийнэ.