Н.Чингүнжав холимог тулааны ROAD FC холбоотой гэрээ байгууллаа
Эр зоригийн спорт болох тулааны спортын олон төрөлд хүч үзэж буй монголын шилдэг тулаанч Н.Чингүнжав холимог тулааны ази тивийн шилдэг холбоо болох Road FC холбоотой гэрээ байгууллаа.
Таеквондогийн олон улсын хэмжээний мастер Н.Чингүнжав Шүүтбоксинг төрлөөр бүх Японы аварга, Кикбоксгийн ALL FC WBC холбооны аварга, МуайТай төрлөөр БНСУ-ын WBC холбооны аваргын бүсийг эзэмшсэн манай шилдэг тулаанчдын нэг юм. Тэрээр мэргэжлийн тавцанд 12 тулаан хийснээс 11 тулаанд нь ялалт байгуулаад байгаа юм.
Тэрээр өчигдөр БНСУ-д холимог тулааны Road FC холбоотой хамтран ажиллах гэрээг үзэглэсэн бөгөөд тун удахгүй монголын нэрийг дуурсгах гайхалтай тулаануудыг үзүүлэх биз ээ. Амжилт хүсье.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.