Снукер биллиардын шилдэг 8 тамирчны халз тоглолтууд эхэлнэ

Дэлхийн мэргэжлийн биллиардын холбооноос зохион байгуулах энэ улирлын шилдэг найман тамирчин өрсөлдөх "2020 Tour Championship" тэмцээн өнөөдөр албан ёсоор эхэлнэ. 

Энэ сарын 17-22-ны өдрүүдэд Велсийн Лиандудно хотод зохион байгуулагдах тус тэмцээнийг корона вирусийн халдвар гарахаас сэргийлэн үзэгчгүйгээр зохион байгуулахаар шийдсэн байна. Өмнөх оны аварга Ронни О Сулливан энэ удаагийн шилдэг наймд багтаж чадаагүй байна. Шилдэг наймд багтсан тамирчид: /Эрэмбийн дарааллаар/

• Жадд Трамп
• Шаун Мөрфи
• Марк Селби
• Нейл Робертсон
• Дин Жунхуй
• Ян Бинтао
• Марк Аллен
• Жон Хиггинс

Оноолт

Тус тэмцээн Улаанбаатарын цагаар 21:00 цагаас эхлэх ба манай сайт уламжлал ёсоор шууд дамжуулан үзүүлнэ. Өнөөдөр Нейл Робертсон - Дин Жунхуй, Шаун Мөрфи - Марк Аллен нарын тоглолтоор "2020 Tour Championship" тэмцээн хөшгөө нээнэ.