Дэлхийн баячууд 444 тэрбум ам.долларын алдагдал хүлээв

Дэлхийн хамгийн баян иргэдийн жагсаалтыг тэргүүлэгчид долоо хоногийн хугацаанд нийт 444 тэрбум ам.долларын алдагдал хүлээснийг “Bloomberg” мэдээллээ. Олон улсад санхүүгийн зах зээл савлаж, биржүүдийн индекс доошилсны улмаас “Amazon”-ыг үндэслэгч Жефф Безос 11.9 тэрбум, “Microsoft”-ын тэргүүн Билл Гейтс 10 тэрбум, LVMH-ын ерөнхийлөгч Бернар Арно есөн тэрбум ам.долларын алдагдал тус тус хүлээжээ.

Дэлхийн цөөнгүй оронд тархаад буй коронавирусийн халдвар, Хятадын эдийн засаг, бизнест үүсээд буй нөхцөл байдал хөрөнгийн зах зээлд нөлөөлж буй нь энэ. Тэднээс гадна, “Diamond Princess” хөлөг онгоцны эзэн “Carnival Corp”-ын захирал Микки Арисон долоо хоногийн хугацаанд нэг тэрбум ам.долларын алдагдалд орсон байна.