Г.Наранцэцэг өнөөдөр жингээ тэргүүлэн барилдана
Өнөөдөр жүдо бөхийн дэлхийн чансааны оноо олгох эмэгтэйчүүдийн Европын нээлттэй Братислав Опен, эрэгтэйчүүдийн Европын нээлттэй Оберварт Опен тэмцээнүүд зэрэг зохион байгуулагдана.
Манай сайт тус хоёр тэмцээнийг нэгэн зэрэг шууд дамжуулан үзүүлэх ба манай улсаас нийт найман жүдоч зодоглох юм. Тэмцээнүүдийн хуваарь болон манай баг, бүрэлдэхүүний талаарх мэдээллийг ЭНД дарж үзнэ үү.
Өнөөдөр барилдах бөхчүүдийнхээ оноолтыг танилцуулж байна. Эрэгтэйчүүдийн Оберварт Опен тэмцээнд өнөөдөр барилдах манай бөхчүүдийн оноолттой танилцахыг хүсвэл ЭНД дарна уу.
Эмэгтэйчүүдийн Братислав Опен тэмцээн:
Өнөөдөр хуваарь ёсоор бүх жингийн барилдаанууд явагдах ба манай улсаас гурван жинд Г.Наранцэцэг, О.Мөнхцэцэг, Э.Гандиймаа нарын гурван бөх барилдана.
Эмэгтэйчүүдийн -48 кг жинд:
Энэ жинг залуучуудын дэлхийн аваргын хүрэл, өнгөрсөн жилийн Мастерсийн мөнгөн медальт Г.Наранцэцэг тэргүүлэн барилдах тул А хэсгийн эхний тойрогт гоц мөргөсөн байна. Тэрээр дэлхийн чансааны 21-т эрэмбэлэгдэж байгаа юм.
Эмэгтэйчүүдийн -70 кг жинд:
Энэ жинд манай О.Мөнхцэцэг С хэсгийг тэргүүлэн барилдах тул эхний тойрогт мөн гоц мөргөсөн байна.
Эмэгтэйчүүдийн +78 кг жинд:
Энэ жинд хамгийн цөөхөн буюу 16 бөх барилдах ба манай улсаас Э.Гандиймаа эхний тойрогт Австралийн Х.Мариятай барилдах оноолттой байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.