ВИДЕО: Оны шилдэг тамирчин М.Уранцэцэгийн цэвэр ялалтууд

Спортын мэдээллийн мэргэжлийн төрөлжсөн www.livetv.mn/sport суваг хоёр дахь жилдээ "Бөртэ Чоно"-наадмын шилдгээр шалгарсан тамирчдынхаа видео бичлэгүүдийг цувралаар хүргэж байна.

МҮОХ-ны тэргүүн дээд шагнал “Бөртэ Чоно-2019”-ын шилдгийн шилдэг эрэгтэй тамирчнаар шалгарсан Монголын Боксын үндэсний шигшээ багийн тамирчин ОУХМ Э.Цэндбаатарын видео бичлэгүүдийг үзэхийг хүсвэл энд дарна уу. 

Өнөөдөр спорт сонирхогч, тэр дундаа жүдогийн спортыг сонирхогчдодоо зориулан 2019 оны шилдэг эмэгтэй тамирчин, дэлхийн аваргын алт, мөнгө, хүрэл медальт, "Team Visa" багийн тамирчин МУГТ М.Уранцэцэгийн 2019 оны онцлох барилдаануудын бичлэгийг толилуулж байна. 

2019 онд МУГТ М.Уранцэцэг

МУГТ М.Уранцэцэг 2019 оны эхэнд Парисын их дуулга тэмцээнд -52 кг жинд зодоглон дээд жингийн жингийнхээ шилдгүүдийг сөхрүүлсээр хэсгийн аварга болж улмаар шагналт байранд орсон юм. 

Хэсгийн аваргын төлөөх барилдаан: Бразилын Валентим Элеудис. 

Гуравдугаар сард Тбилисийн гран при тэмцээн өөрийн үндсэн жиндээ орж хүрэл медаль хүртсэн юм. Тэрээр уг тэмцээний хагас шигшээд Францын М.Клементэд ялагдсаныг эс тооцвол бүх өрсөлдөгчөө цэвэр ялсан байдаг. М.Клемэнт уг тэмцээнд Украины Д.Билодидын ялагдалгүй цувралыг зогсоон түрүүлснийг жүдо сонирхогчид маань сайн санаж байгаа биз ээ.  

Хэсгийн аваргын төлөө Францын Бригада Наталиг даралтаар цэвэр ялсан.

Дөрөвдүгээр сард Анаталягийн гран при тэмцээнд тэрээр дээд жиндээ орсон ба мөн л аваргын төлөөх барилдаанаас бусад бүх барилдаандаа өрсөлдөгчдөө цэвэр ялсан байдаг. 

Хэсгийн аваргын төлөөх барилдаанд Азербайжаны Гултаж Маммадалиеваг цэвэр ялсан барилдааны бичлэг. 

Наймдугаар сард жүдо бөхийн дэлхийн аварга шалгаруулах тэмцээнд хагас шигшээд Украины Д.Билодид аваргад ялагдсаныг эс тооцвол мөн л бүхий өрсөлдөгчдөө цэвэр ялж хүрэл медаль хүртсэнээр дэлхийн аваргын иж бүрэн медальтан болсон юм.

Хэсгийн аваргын төлөө Казахстаны олимп, дэлхийн аваргын хүрэл медальт Г.Отгонцэцэгийг зургаа дахь удаагаа цэвэр ялсан барилдааны бичлэг. 

 Дээрх бүх тэмцээнийг манай сайт цаг тухай бүрт нь шууд дамжуулан үзүүлж байлаа.