БНСУ-ын 27 настай жүжигчин Ча Ин Ха нас баржээ
БНСУ-ын залуу оддын гэнэтийн байдлаар нас барах явдал 27 настай залуу жүжигчин Ча Ин Хагаар үргэлжилжээ. Өмнөд Солонгосын энтернтайнмент ертөнц дахин нэг залуу одоо алдсаныг дэлхийн хэвлэл мэдээллийн хэрэгслүүдээр дамжуулсан байна.
Залуу жүжигчин Сөүл дэх гэртээ амьсгал хураасан байдалтай олджээ. Ча Ин Хатай хамтран ажилладаг агентлагаас гүн эмгэнэл илэрхийлж, ард иргэдэд хандан түүний үхлийн талаар элдэв цуу тараахгүй байхыг хүссэн байна.
Тэрээр “Love With Flaws” телевизийн цуврал бүтээлээрээ олонд танигдсан жүжигчин билээ. Ин Ха нь ойрын хоёр сарын хугацаанд гэрээсээ амиа алдсан байдалтай олдсон Өмнөд Солонгосын гурав дахь залуу од болж байна.
Fantiago агентлагт харьяалагддаг Surprise U нэртэй залуу жүжигчдийн багийн гишүүн 2017 онд “You, Deep Inside of Me” бүтээлээ олон нийтэд хүргэсэн нь үзэгчдээс өндөр үнэлгээ авч байсан юм.
БНСУ нь амиа хорлолтын тоогоороо дэлхийд эхний аравт багтаж тэргүүлдэг ба өнгөрсөн 10, 11 дүгээр саруудад К-Рор одод болох Сулли, түүний хамгийн дотны найз Гү Хара нар амиа егүүтгэсэн байдалтай гэрээсээ олдсон.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.