ВИДЕО: Ж.Трампын "гурван титэм" өргөх зорилго биелсэнгүй

Снукер биллиардын 43 дахь удаагийн UK Championship тэмцээний шилдэг 32 тамирчны тоглолт эхэллээ. 

Мэргэжлийн снукер биллиардын ТОП-3 тэмцээний нэг болох UK Championship тэмцээний шилдэг 32 тамирчны тоглолтууд дуулиан, шуугиантай эхэллээ. Учир юу гэвэл шинэхэн дэлхийн аварга бөгөөд энэ цагийн дэлхийн чансааг тэргүүлж буй Жадд Трамп ахмад тамирчинд хожигдон тэмцээнээс хасагдлаа. Тэрээр 2019 онд "мэргэжлийн снукер биллиард гурван титэм" өргөмжлөлтэй Дэлхийн аварга, Мастерс, UK Championship тэмцээнүүдэд түрүүлэх зорилготой байгаагаа зарлаж дэлхийн аварга, мастерс тэмцээнүүдэд нь түрүүлчхээд байсан юм. Үлдсэн ганц тэмцээн болох UK Сhampionship тэмцээнд түрүүлэхэд түүний зорилго биелэх байлаа. Гэвч харамсалтай нь урьд шөнө өөрийн нутаг нэгт ахмад тамирчин Нигел Бондод 6:3 харьцаагаар хожигдон тэмцээнээ дуусгалаа. Уг тоглолтыг бүрэн эхээр нь хүлээн авч үзнэ үү.