Видео: "UK Championships 2019" шагналын сан 3.5 тэрбум төгрөг
Снукер биллиардын 43 дахь удаагийн UK Championship тэмцээн энэ өдрүүдэд Англи улсын Ёорк хотноо зохион байгуулагдаж байна.
UK Championship тэмцээн нь мэргэжлийн снукер биллиардын дэлхийн аварга шалгаруулах тэмцээний дараа орохуйц чансаа өндөртэй тэмцээн юм. 1977 оноос хойш тасралтгүй зохион байгуулагдаж ирсэн уг тэмцээнд домогт Ронни О Сулливан долоон удаа түрүүлж нэг удаа үзүүрлэсэн байдаг бол Стив Девис зургаан удаа түрүүлж дөрвөн удаа үзүүрлэж байжээ. Харин сүүлийн хоёр жил дараалан Ронни О Сулливан түрүүлээд байгаа юм.
Энэ жилийн хувьд шагналын сан нь 1.000.000 фунт буюу Монгол мөнгөөр 3.5 тэрбум орчим төгрөг бөгөөд одоогоор 128 шилдэг тамирчин оролцож буй нэгдүгээр тойргийн тоглолтууд явагдаж байна.
Өнөөдөр снукер биллиард сонирхогчдодоо UK Championship тэмцээний гурван удаагийн аварга алдарт Жон Хиггинсийн эхний тойргийн тоглолтыг бүрэн эхээр нь толилуулж байна. Тэрээр эхний тойрогт Англи биллиардчин Петр Лайнестэй учраа таарч 6:0 харьцаагаар төгс хожлыг байгууллаа.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.