Жүдо бөхийн "Hong Kong Asia Open" тэмцээнд 21 жүдоч зодоглоно

Жүдо бөхийн дэлхийн чансаа олгох "Hong Kong Asia Open-2019" тэмцээн 11 дүгээр сарын 30 өдөр албан ёсоор эхэлнэ. 

Жил бүр уламжлал болон зохион байгуулагддаг энэ удаагийн тэмцээнд 32 орны 188 тамирчин оролцох урьдчилсан мэдүүлгээ өгөөд байгаа ба манай улсаас дэлхийн аваргын хүрэл медальт МУГТ Б.Мөнгөнчимэг тэргүүтэй 21 залуу тамирчин оролцох юм. 

Манай баг тамирчид "Hong Kong Asia Open" тэмцээнд 2017 оноос хойш нэг алт, зургаан мөнгө, зургаан хүрэл медаль, нийт 13 медаль хүртээд байгаа юм.  

2017 онд:

• Г.Чойжилсүрэн, Б.Хорлоодой, Э.Гандиймаа нар мөнгөн медаль
• Н.Амгаланпүрэв, М.Даваасүрэн нар хүрэл медаль

2018 онд: 

• Л.Сосорбарам алтан медаль
• Б.Бат-Эрдэнэ, Б.Тэмүүлэн, Б.Хорлоодой нар мөнгөн медаль
• Н.Түвшинбаяр, Д.Төмөрхүлэг, Н.Хадбаатар, О.Цэцэнцэнгэл нар хүрэл медаль 

"Hong Kong Asia Open-2019" тэмцээнд оролцох Монголын баг бүрэлдэхүүн. 

Манай сайт уламжлал ёсоор "HONG KONG ASIAN OPEN 2019" тэмцээнийг шууд дамжуулан үзүүлэх болно.