LIVE: Кюүшюү башёгийн сүүлчийн өдөр
Японы мэргэжлийн сумо бөхийн Кюүшюү башёгийн 15 дах өдрийн барилдааныг шууд дамжуулан үзүүлж байна.
Башё дуусахаас нэг өдрийн өмнө мэргэжлийн сумо бөхийн 69 дэх их аварга Хакухо М.Даваажаргал 43 дахь удаагаа дээд зиндаанд түрүүлэх болзлоо хангасан. Тэрээр өнөөдөр озеки Такакейшотой барилдана. Тэд хоорондоо зургаа дахь удаагаа учраа таарч буй нь энэ бөгөөд өмнө Хакухо аварга Такакейшог дөрвөн удаа өвдөг шороодуулаад байгаа юм. Тамаваши Б.Мөнх-Оргилын хувьд өнөөдөр маэгаширагийн 8-аас барилдаж буй Саданоумитэй барилдах оноолттой байна. Хэн хэн нь долоон даваа, долоон унаатай явж байгаа ба хэн давсан нь энэ башёд 50 хувийн амжилтаа үзүүлэх тун хариуцлагатай барилдаан болох юм. Тэд өмнө нь нийт 11 удаа учраа тааран барилдахад Саданоуми есөн удаад нь манай бөхийг давж байсан юм.
Мөн түүнчлэн өнөөдрийн онцлох барилдаан бол башёг тэргүүлэгчдийн эгнээнд бичигдэж буй хоёр бөх болох Комүсүби Асанояам (11-3) болон маэгаширагийн 10-аас барилдаж буй Шодай (10-4) нар хоорондоо барилдана.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.