Өндрөөс унасан 16 настай охин гэмтлээ даалгүй амьсгал хураажээ
Нийслэлийн Сүхбаатар дүүргиийн гуравдугаар хороонд байрлах “Цамхаг” хотхоны байрны 12 давхраас энэ сарын 19-ний өдрийн 16:00 цагийн үед хүүхэд унасан гэх дуудлага иржээ.
Нийслэлийн Аврах анги очиход Баянгол дүүргийн 14 дүгээр хорооны оршин суугч А /16 настай, эмэгтэй/ тус байрны “Наран” их дэлгүүрийн өргөтгөлийн 2 дугаар давхар дээр унасан байсныг дамнуурга, аврах олс ашиглан буулгасан байна. Гэвч өндрөөс унасан 16 настай охин эмнэлэгт хүргэгдэх замдаа гэмтлээ даалгүй амьсгал хураажээ.
Түүнчлэн Нийслэлийн Баянгол дүүргийн 4 дүгээр хороо, Голден парк хотхоны байрны цахилгаан шатны хөндийд иргэн Б /32 настай, эрэгтэй, согтуруулах ундаа хэрэглэсэн/ унасан дуудлага өнөө өглөө иржээ. Нийслэлийн Аврах ангийнхан 15 минут ажиллан гаргаж, тус дүүргийн Цагдаагийн 1 дүгээр хэлтсийн эргүүлийн цагдаад хүлээлгэн өгсөн байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.