LIVE: Сумо бөхийн Кюүшюү башё 10 дахь өдөр
Японы мэргэжлийн сумо бөхийн Кюүшюү башёгийн 10 дахь өдрийн барилдааныг шууд дамжуулан үзүүлж байна.
Башёг найман даваа, нэг унаатайгаар ганцаараа тэргүүлэн барилдаж буй Хакухо М.Даваажаргал аварга өнөөдөр маэгаширагийн 5-аас барилдаж буй Аояаматай барилдах оноолттой байна. Хоёр бөхийн хувьд өмнө нь 20 удаа учраа таарахад Хакухо аварга 19 удаад нь Аояамаг давж байлаа. Харин башёг долоон даваа, хоёр унаатай явж буй Комүсүби Асанояама маэгаширагийн 2-оос барилдаж буй Мэйсейтэй (таван даваа, дөрвөн унаатай яваа) барилдах оноолттой байна. Тамаваши Б.Мөнх-Оргилын хувьд одоогоор дөрвөн даваа, таван унаатай явж байгаа ба өнөөдөр Дайейшотой (таван даваа, дөрвөн унаатай яваа) барилдах оноолттой байна. Урьд өмнө нь хоёр бөхийн хувьд 10 удаа учраа тааран барилдахад Тамаваши Б.Мөнх-Оргил зургаан удаад нь түүнийг давж байлаа.
Жич: Шууд дамжуулалтын бичлэг нь башё дуусахад хадгалагддаггүй тул тухайн өдрийн барилдааныг нөхөж үзэхийг хүсвэл та маргааш өглөөний тойм бичлэгийг хүлээн авч үзнэ үү.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.