Эрдоган: Аль Багдадийн эхнэрийг барьсан ч Америк шиг сүржигнэхгүй
Туркийн Ерөнхийлөгч Режеп Тайип Эрдоганы мэдэгдсэнээр Исламын улс зэвсэгт бүлгийн удирдагч байсан Абу Бакр аль Багдадийн эгчийг баривчлаад байсан бол энэ удаад түүний эхнэрүүдийн нэгийг олж барьсан байна.
Эрдоган энэ тухайгаа мэдэгдэхдээ “АНУ Багдадийг өөрийгөө дэлбэлж хороосон тухай зарлахдаа улсынхаа нэр хүндийг өргөх PR-аа эхлүүлсэн. Харин бид түүний эхнэрийг барьсан ч тэгж сүржигнээгүй. Энэ тухай би анх удаа л олон нийтэд хэлж байна” гэжээ.
Ерөнхийлөгч Дональд Трамп Америкийн цэргийн тусгай ажиллагааны үеэр Багдадийг хүүхдүүд болон хоёр эхнэрийнх нь хамт устгасан тухайгаа олон нийтэд зарлан мэдэгдсэн билээ.
Турк улс Багдадийн эгч Расмия Авадын нэрийг олон нийтэд дэлгэсэн ч эхнэрийнх нь тухай дэлгэрэнгүй мэдээлэл өгөөгүй байна. Багдадийн эгчийг барьсан нь Исламын улс бүлгийн үйл ажиллагааг тагнан мөрдөхөд чухал оролцоотой гэж үзсэн юм. Туркийн Засгийн газар энэ мэтчилэн исламын зэвсэгт бүлгийн өмнөх удирдагчийн хамсаатныг олж барьснаар улс орноо болоод Европыг террористуудаас хамгаална гэж найдаж байна.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.