Британий жуулчид руу аварга махчин загас дайрч шархдуулжээ
Австралийн аялал амралтын бүсэд зочилсон Их Британийн хоёр эрэгтэй аварга махчин загасны дайралтад өртөж хүндээр шархадсан тухай ВВС мэдээлжээ.
22, 28 настай жуулчид Күйнслэнд мужийн Витсандэй арлын орчимд сэлж байгаад мягмар гарагт халдлагад өртсөн байна. Аварга загас 28 настай эрэгтэйн хөлийн тавхай орчимд, 22 настай эрэгтэйн гуя орчмыг хазаж шархдуулжээ.
Шархадсан жуулчдыг далайн эрэгт завиар хүргэж анхан шатны тусламж үзүүлсний дараа эмнэлэг рүү нисдэг тэргээр хүргэсэн байна. Жуулчид дайралтад өртөх үедээ усан доор амьсгалын хоолойвчтойгоор шумбаж байжээ.
Витсандэй арлуудын ойролцоо хүний хөл хөдөлгөөн ихтэй ч ойрын хугацаанд хэд хэдэн удаа аварга загасны дайралт бүртгэгджээ. Энэ жил Австралид улсад аварга загасны дайралтад 10 хүн өртөж шархадсан байна.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.