БНАСАУ-ын Кумган уулан дахь БНСУ-ын байгууламжийг нураахыг тушаав
БНАСАУ-ын удирдагч Ким Жон Ун тус улсын алдартай аялал жуулчлалын газарт баригдсан БНСУ-ын зочид буудлууд, байшин барилгыг нураах зарлиг гаргажээ. Удирдагч Ким Кумган уулан дахь аялал жуулчлалын цогцолбор газартай танилцсаны дараа гамшигт нэрвэгдсэн газарт барьсан майхан шиг харагдаж байна хэмээн ундууцжээ.
Энэ газар нь хоёр Солонгосын хамтын ажиллагааны бэлгэ тэмдэг болсон цогцолбор юм. Гэвч Умард Солонгосын удирдагч Сөүлтэй хамтран ажиллаагүй нь дээр гэж үзжээ.
1990 онд Өмнөд Солонгосын компаниудын барьсан Кумган уулын соёл амралтын газарт хатуу хараа хяналтанд өмнөд нутгаас олон зуун мянган жуулчин ирж амардаг байсан ч 2008 онд эмэгтэй жуулчин харуулын ажилтанд буудуулснаас хойш үйл ажиллагааг нь зогсоосон юм.
2011 онд Умардын тал цогцолбор газар дахь Өмнөд Солонгосын барилга байгууламжийг бүрэн эзэмшилдээ авч, ажилчдыг нь хөөж явуулсан. Өчигдөр буюу лхагва гарагт Кумганд зочилсон Ким удирдагч эзгүйрч ноорхой болсон байшин барилгыг бүгдийг нь нурааж өөрсдийн гараар орчин үеийн шинэлэг өнгө төрхтэй бүтээн байгуулт барина гэж хэлснийг төрийн мэдлийн сувгаар нь дамжуулжээ.
Тэрээр үргэлжлүүлэн “Кумган бол бидний цусаа урсгаж олсон газар нутаг. Хад цохио, ширхэг мод ч бидний тусгаар тогтнол, бахархлын нэг хэсэг юм” гэжээ.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.