Өнөөдөр манай дөрвөн бөх барилдана

Марроко улсын Марракеш хотноо жүдо бөхийн залуучуудын дэлхийн аварга шалгаруулах тэмцээн өнөөдөр хоёр дахь өдрөө үргэлжлэн явагдана. 

Өнөөдөр хуваарь ёсоор эрэгтэйчүүдийн -73кг, эмэгтэйчүүдийн -57кг, -63кг жингүүдийн барилдаан явагдана. Манай улсаас дөрвөн бөх барилдана. 

ЭРЭГТЭЙЧҮҮДИЙН -73кг:

Энэ жинд манайхаас хоёр бөх сойж байгаа ба А хэсэгт Хонг Конгийн Залуучуудын Азийн цомын алтан медальт Г.Болор-Очир эхний тойрогт гоц мөргөсөн бол С хэсэгт Ази-Номхон далайн орнуудын залуучуудын АШТ-ий мөнгөн медальт О.Шинэбаяр эхний тойрогт Ливан улсын жүдочтой барилдах оноолт гарчээ. 

ЭМЭГТЭЙЧҮҮДИЙН -57кг:

Өнгөрсөн жилийн азийн цомын хүрэл медальт М.Халиунаа эхний тойрогт Канадын бөхтэй барилдах оноолттой байна. 

ЭМЭГТЭЙЧҮҮДИЙН -63кг:

Ази тивийн өсвөрийн аварга шалгаруулах тэмцээний хүрэл медальт Ц.Сүнжидмаа эхний тойрогт Францын бөхтэй учраа таарсан байна.

Тэмцээний хуваарь /Улаанбаатарын цагаар/:

• 16:30 цагт: Жин бүрийн урьдчилсан барилдаан
• 23:00 цагт: Шигшээ барилдаан