ВИДЕО: Домогт К.Роналдо толгойгоороо 128 гоол оруулжээ

Энэ цагийн хөлбөмбөгийн ноён оргил Криштиану Роналдо өөрийн карьерийн 700 дахь гоолоо орууллаа. 

Португалийн шигшээ баг, Ювентус багийн довтлогч домогт К.Роналдо Евро-2020 тэмцээний урьдчилсан шатанд Ураины багтай тоглосон тоглолтод түүхэн гоолоо оруулжээ. Өдгөө 34 настай энэ цагийн агуу хөлбөмбөгчний 700 гоолын сонирхолтой статистик гарсан байна. Тэрээр 700 гоолын 444 гоолыг баруун хөлөөрөө, 128 гоолыг толгойгоороо, 126 гоолыг зүүн хөлөөрөө, хоёр гоолыг биеийнхээ бусад хэсгээр оруулсан байдаг байна. 

Мөн түүнчлэн хамгийн оргил үедээ буюу 2011-2012 оны улиралд 69 гоол оруулж байсан байна. 

Харин хамгийн олон гоолыг Реал Мадрид клубын төлөө оруулсан бол Манчестер Юнайтед клубын төлөө 118 гоол оруулсан байна.