ВИДЕО: Чөлөөт бөхийн ахмадын ДАШТ-д манай 30 мастер өрсөлдөнө

Бөхийн төрлүүдийн ахмадын дэлхийн аварга шалгаруулах тэмцээн өнөөдөр албан ёсоор эхэлнэ. 

Энэ сарын 13-ны өдрийг хүртэл явагдах сонгомол бөх, чөлөөт бөхийн ахмадын дэлхийн аварга шалгаруулах тэмцээнд 60 гаруй орны ахмад тамирчид өрсөлдөнө. 

Тэмцээний дүрэм: Таван насны ангилалд зургаан жингээр өрсөлдөх юм. 

• А ангилал: 35-40 нас
• В ангилал: 41-45 нас
• С ангилал: 46-50 нас
• D ангилал: 51-55 нас
• Е ангилал: 56-60 нас

Жингийн хувьд: 55 - 62кг, -70кг, -78кг, -88кг, -100кг, -130кг гэсэн зургаан жингийн ангилалаар явагдах юм. 

Тэмцээний хуваарь /Улаанбаатарын цагаар/:

10 дугаар сарын 8-ны өдөр:

• 14:00 цагт Сонгомол бөхийн B, E ангиллын урьдчилсан болон дагах барилдаан
• 21:30 цагт Сонгомол бөхийн B, E ангиллын шигшээ барилдаан

10 дугаар сарын 9-ний өдөр:

• 14:00 цагт Сонгомол бөхийн С, D ангиллын урьдчилсан болон дагах барилдаан
• 21:30 цагт Сонгомол бөхийн С, D ангиллын шигшээ барилдаан

10 дугаар сарын 10-ны өдөр:

• 14:00 цагт Сонгомол бөхийн А ангиллын урьдчилсан болон дагах барилдаан
• 21:30 цагт Сонгомол бөхийн А ангиллын шигшээ барилдаан

10 дугаар сарын 11-ний өдөр:

• 14:00 цагт Чөлөөт бөхийн В, Е ангиллын урьдчилсан болон дагах барилдаан
• 21:30 цагт Чөлөөт бөхийн В, Е ангиллын шигшээ барилдаан

10 дугаар сарын 12-ны өдөр:

• 14:00 цагт Чөлөөт бөхийн С, D ангиллын урьдчилсан болон дагах барилдаан
• 21:30 цагт Чөлөөт бөхийн C, D ангиллын шигшээ барилдаан

10 дугаар сарын 13-ны өдөр:

• 14:00 цагт Чөлөөт бөхийн А ангиллын урьдчилсан болон дагах барилдаан
• 21:30 цагт Чөлөөт бөхийн А ангиллын шигшээ барилдаан

Манай улсаас мастеруудын ДАШТ-ий нэг алт, хошой мөнгөн медальт ОУХМ Х.Нямдорж, Дэлхийн аварга Г.Баатарсүрэн, мастеруудын ДАШТ-ий хошой мөнгө, дөрвөн хүрэл медальт ОУХМ Ш.Баянмөнх, гурван хүрэл медальт ОУХМ Д.Ганбат, Б.Бат, Ц.Дуламсүрэн, Н.Баатар, Т.Батнасан, Б.Лхагвадорж тэргүүтэй 30 гаруй тамирчин оролцоно хэмээн Монголын чөлөөт бөхийн холбооноос мэдээллээ.