БНХАУ-ын Засгийн газрын хөнгөлөлттэй зээлээр баригдаж буй Гачууртын уулзвараас Налайх-Чойрын уулзвар хүртэлх 20.9 км авто замыг шинэчлэн засах ажлын явц 80 хувьд хүрчээ. Автомашин зорчих хоёр урсгал, дөрвөн эгнээтэй, явган хүний болон дугуйн замтай уг замын далан, хоолой, тунелийн ажил бүрэн хийгдэж дууссан бөгөөд замын хучилтын ажил  60 хувьтай хийгдэж байгаа аж. Зам барилгын ажлыг энэ сарын 30-ны өдөр хугацаанд нь хүлээлгэн өгөхийн тулд дөрвөн гүйцэтгэгч компани хоёр ээлжээр, 24 цагаар ажиллаж, тоног төхөөрөмж, машин механизм, хүн хүчийг нэмэгдүүлэн ажиллаж байгаа юм.

---