LIVE: Жүдо бөхийн өсвөрийн ДАШТ 4 дэх өдөр

Казахстан улсын Алматы хотноо зохион байгуулагдаж буй жүдо бөхийн өсвөр үеийн дэлхийн аварга шалгаруулах тэмцээний дөрөв дэх өдрийн барилдаан буюу ганцаарчилсан төрлийн сүүлийн өдрийн барилдааныг шууд дамжуулан үзүүлж байна.

Гурван өдрийн дараах байдлаар Япон улсын баг тамирчид дөрвөн алт, хоёр мөнгө, нэг хүрэл медальтайгаар дэлхийн аваргад оролцож буй 61 улсын медалийн чанараар тэргүүлж буй бол Турк улсын баг тамирчид хоёр алт, нэг мөнгөн медаль хүртсэн амжилтаар удаалж байна.

Өнөөдөр тэмцээний дөрөв дэх өдөр охидын -70кг, +70кг, хөвгүүдийн -90кг, +90кг жингүүдийн барилдаан явагдах ба манай улсаас дараах залуу бөхчүүд зодоглоно.

Хөвгүүдийн -90кг жинд: В хэсэгт Г.Батзориг эхний тойрогт Казахстан улсын бөхтэй барилдах бол D хэсэгт Б.Хүдэрчулуун мөн Казахстан улсын бөхтэй барилдана. /Нэгдүгээр дэвжээний 14 дэх барилдаан/

Охидын -70кг жинд: Өнгөрсөн оны өсвөрийн Ази тивийн аваргын хүрэл медальт Т.Намуунаа АНУ-ын бөхтэй барилдах оноолттой байна. 

Охидын +70кг жинд: Ө.Одончимэг эхний тойрогт ОХУ-ын бөхтэй барилдах оноолттой байна. /Гуравдугаар дэвжээний 10 дахь барилдаан/

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх: