ВИДЕО: Чөлөөт бөхийн ДАШТ-ний иж бүрэн медальтан С.Батцэцэг

Казахстан улсын Нур-Султан хотноо Чөлөөт бөхийн дэлхийн аварга шалгаруулах тэмцээн зохион байгуулагдсаар байна. 

Энэ удаагийн дэлхийн аварга шалгаруулах тэмцээнээс Монголын багийн анхны медалийг Үндэсний шигшээ баг, “Женко” клуб, “Цаст тайга” компанийн тамирчин Б.Болортуяатай хүртэж дараах өдөр нь 59кг жинд “Будапешт-2018” ДАШТ-ий хүрэл, Азийн АШТ-ий мөнгө, хүрэл медальт, Иван Ярыгиний “Алтан Гранпри” тэмцээний аварга, үндэсний шигшээ баг, “Хасу-Мегастарс” клубийн тамирчин ОУХМ Б.Шоовдор дэлхийн хошой медальтан болсон билээ. Тэгвэл өчигдөр манай багаас олимпиийн их наадамд оролцох хоёр эрхийг Эрэгтэйчүүдийн 65кг жинд Т.Тулга, эмэгтэйчүүдийн 68кг жинд МУГТ С.Батцэцэг нар авлаа. 

www.livetv.mn/sport сайт чөлөөт бөхийн дэлхийн аварга шалгаруулах тэмцээнийг шууд дамжуулан үзүүлэхээс гадна медаль хүртсэн тамирчдынхаа барилдаануудын бичлэгийг хүргэдэг уламжлалынхаа дагуу энэ удаад Чөлөөт бөхийн дэлхийн аварга шалгаруулах тэмцээнээс алт, мөнгө, хүрэл медаль хүртсэн анхны, дөрвөн медаль хүртсэн хоёр дахь тамирчин болсон хөдөлмөрийн баатар, МУГТ С.Батцэцэгийн бүх барилдааны бичлэгийг түүвэрлэн хүргэж байна. 

Дэлхийн дэвжээнд долоо дахь удаагаа зодоглосон тэрбээр эхний даваанд Узбекистаны Нулифар Гадаеваг цэвэр ялсан.

1/8 шигшээд ДАШТ-ий хошой хүрэл медальт, Европын дөрвөн удаагийн аварга Латвийн Анастасья Григорьеваг 6:0-ээр тус тус ялсан.

Харин шөвгийн наймд дэлхийн болон Европын аварга Шведийн Женни Франссонд цаг дуусахтай зэрэгцэн 5:6-гаар харамсалтай ялагдсан билээ.

Дагах барилдаанд ДАШТ-ий мөнгө, хүрэл медальт Францын Кумба Ларрокыг оноогоор цэвэр (12:2) ялснаар Токиогийн олимпийн наадмын эрхээ авсан.

Хүрэл медалийн төлөөх барилдаанд ДАШТ-ий алт, хүрэл, ЕАШТ-ий алт, мөнгө, хүрэл медальт Украиныг Алла Черкасоваг 2:2-оор ялж, “бөмбөрцөг”-ийн хүчтэн гэдгээ тод томруунаар харууллаа.

WWW.LIVETV.MN/SPORT СУВГИЙН 2019.09.21-НИЙ ӨДРИЙН ХӨТӨЛБӨР.