LIVE: Таеквондогийн өсвөр үеийн ДАШТ-2019

Таеквондогийн өсвөр үеийн дэлхийн аварга шалгаруулах тэмцээн Узбекистан улсын Ташкент хотноо өнөөдөр албан ёсоор эхэлж байна. 

Дэлхийн 64 орны 550 гаруй тамирчид оролцох дэлхийн аварга шалгаруулах тэмцээнд манай улсаас 13 тамирчин Монголын таеквондогийн үндэсний шигшээ багийн дасгалжуулагч Хур Ин Ён, дасгалжуулагч багш Б.Хатанбаатар, Ү.Ган-Эрдэнэ, Мягмарбаяр нарын удирдлага дор оролцож байна. Дэлхийн аварга шалгаруулах тэмцээнийг олон улсын шүүгч Н.Эрдэнэбаатар дэнслэх юм.

Өнөөдөр хуваарь ёсоор манай гурван тамирчин дараах оноолтын дагуу тулалдана. /Тэмцээн Улаанбаатарын цагаар 12:00 цагт эхлэнэ./

Эрэгтэйчүүдийн -65кг жинд Хүч спорт хорооны тамирчин А.Азбаяр эхний тойрогт Румын улсын тулаанч С.Лаурентитэй гуравдугаар дэвжээнээ тулалдах хуваарьтай байна. /гуравдугаар дэвжээний гурав дахь тулаан/

Эмэгтэйчүүдийн -29кг жинд Л.Хонгорзул /Алдар спорт хороо/ эхний тойрогт гоц мөргөж хоёрдугаар тойрогт БНСУ болон Маракко улсын тамирчдын хожсонтой нь тулалдах оноолттой байна. /хоёрдугаар дэвжээнээ арав дахь тулаан/

Эмэгтэйчүүдийн -33кг жинд Ц.Гүнчинхорлоо /Мараната клуб/ эхний тойрогт Энэтхэг улсын тулаанч Х.Ражендракумартай тулалдах оноолттой байна. /хоёрдугаар дэвжээний тав дахь тулаан/

Нэгдүгээр дэвжээг шууд үзэх: 

Хоёрдугаар дэвжээг шууд үзэх:

Гуравдугаар дэвжээг шууд үзэх: