АНУ-ын зардал ихтэй тусгаар тогтнолын баяр ба Трампын ховорхон тохиох эелдэг мэндчилгээ

АНУ 1776 оны долдугаар сарын 4-ний өдөр Их Британиас тусгаар тогтнолоо зарлаж дэлхийн хамгийн агуу гүрэн болон хөгжсөн түүхтэй. Тусгаар тогтнолын баярын өдөрт зориулж 45 дахь Ерөнхийлөгч Дональд Трамп улс үндэстэн даяар ховорхон тохиох эелдэг мэндчилгээг дэвшүүлэв. Зарим хэвлэлүүд түүний мэндчилгээг найрсаг төдийгүй эвлэлдэн нэгдэхийг уриалсан байсныг онцолжээ.

Дональд Трамп: Бид цаашид ижил зорилго тээсэн нэгдмэл улсыг үргэлжлүүлэн авч явах хэрэгтэй. Зорилгынхоо төлөө үнэнч шударга байж, агуу түүхээ үүрд дурсан санаж, илүү сайхан ирээдүйн төлөө зогсолтгүй тэмцэж, Америкийн хийж чадахгүй зүйл үгүй гэдгийг харуулах болно.

Армийн 750-800 бие бүрэлдэхүүн тусгаар тогтнолын баярт оролцож Вашингтоны үндэсний хамгаалалтын газрын 900 гаруй бүрэлдэхүүн авто замын хөдөлгөөн, гудамж талбай, тээврийн хэрэгслийг хянасан байна. “Salute to America” хүндэтгэлийн арга хэмжээний үеэр цог жавхлант баярын жагсаалыг зохион байгуулжээ. Ерөнхийлөгч мэндчилгээндээ армийн албан хаагчдын хичээл зүтгэл, байгуулсан гавъяанд талархал илэрхийлжээ.

Дональд Трамп: Бид өнөөдрийн баяраа агуу түүх, ард түмэн, үндэсний туг далбааг бахархалтайгаар хамгаалж буй баатруудын хамт тэмдэглэж байна. Энэ бол хүсэл мөрөөдлийнхөө төлөө хэзээ ч бууж өгөөгүй зоригт ард түмний цаг тооны бичгийн үргэлжлэл юм.

АНУ-ын Батлан хамгаалах яамны мэдээгээр 16 дахь Ерөнхийлөгч Абрам Линколны дурсгалт талбайд болсон баярын арга хэмжээнд зориулж 5,000 тасалбарыг Цагаан ордноос худалдаанд гаргажээ. Гэвч шүүмжлэгчид татвар төлөгчдийн мөнгийг онц хэрэгцээгүй зүйлд дэмий үрж зарж байна хэмээн буруутгалаа. Тусгаар тогтнолын баярт зориулсан цэргийн жагсаал, техник тоног төхөөрөмж гээд нийтдээ 2,5 сая ам.доллар зарцуулжээ.

Эх сурвалж: www.bbc.com, www.cnn.com