Хүүхдийнхээ аюулгүй байдлын үүднээс гэртээ үзлэг хийгээрэй

Хавтгай зай, зоос, тэмдэг гээд ам, хамрандаа хийж болох бүх л зүйлийг залгиж, хийсэн байдаг. Эх хүүхдийн эрүүл мэндийн үндэсний төвөөс эцэг, эхчүүдийг гэртээ мөлхөө үзлэг хийж, болзошгүй эрсдэлээс үр хүүхдээ хамгаалахыг зөвлөж байна.

 Эмч нарын ярьж буйгаар ихэвчлэн бага насныхан энэ шалтгаанаар ирдэг бөгөөд ихэнхдээ хавтгай зай, зоос, тэмдэг гээд амандаа хийж болох бүх л зүйлийг залгисан байдаг аж. Эцэг, эхийн хараа хяналт, халамжгүй байдлаас хүүхэд элдэв зүйл залгих тохиолдол цөөнгүй гарч байна.

Сүүлд гэхэд ойрын танил найзын маань хүүхдийг хамар нь битүүрээд хэд хоног явсан бөгөөд хамрыг цэвэрлэх үед хатуу зүйл авагдахгүй байсан тул эмнэлгийн байгууллагад очсон юм. Тэгтэл гурван настай хүүхэд нь хамартаа жижигхэн шүр чихээд хийчихсэн байсныг мэдээгүй азаар цаашаа орохоос нь өмнө эмнэлгийн байгууллагад үзүүлсэн.  

Бид өөрсдөө мэдэхгүй зарим тохиолдолд хүүхдүүддээ аюултай орчин бүрдүүлсэн байдаг. Иймд ээж, аавууд та бүхэн гэр гэртээ үзлэг хийхийг уриалж байна. Таны хүүхдэд аюултай халуун тогоо, ус буцалгагч, элдэв эм бэлдмэл, ахуйн хэрэглээний бодисууд, хайч хутгаа зохих газарт байршдаг эсэхийг анзаарч шалны булан тохойд жижиг зай шүр, товч зэрэг зүйлс байгаа эсэхийг нэг хараарай. Энэ нь хүүхэд хамгаалахад оруулж байгаа таны багагүй хувь нэмэр юм. Хүүхдэд аюулгүй амьдрах ахуй орчин, аюулгүй хөгжих нийгэм хэрэгтэй!!!