“Токио-2020” паралимпын аварга, дэлхийн аварга, хошой мөнгөн медальт, дэлхийн цомын аварга, дэлхийн дээд амжилтыг эзэмшигч, Хөдөлмөрийн баатар, МУГТ Э.Содномпилжээ пара пауэрлифтингийн дэлхийн аварга шалгаруулах тэмцээнд үзүүрлэлээ. 

Арабын нэгдсэн Эмират улсад зохион байгуулагдаж буй Пара пауэрлифтингийн дэлхийн аварга шалгаруулах тэмцээн зохион байгуулагдаж байгаа тус ДАШТ-д 32 орны 600 тамирчин өрсөлдөж байна. Э.Содномпилжээ аварга өөрийн үндсэн жин болох -107кг жинд өрсөлдсөн ба түүний жинд нийт 24 тамирчин хүч сорьсон юм. Аварга 253кг шахсан боловч гурван шүүгчийн хоёр нь тооцоогүй ба 247кг жинг тооцон мөнгө медаль хүртлээ. Түүний жинд 248кг шахсан амжилтаар Ираны тамирчин түрүүлж, 244кг шахсан амжилтаар Украйны тамирчин хүрэл медалийн болзол хангалаа. 

Ийнхүү хоёр жил тутамд зохион байгуулагддаг Пара пауэрлифтингийн дэлхийн аварга шалгаруулах тэмцээнээс Хөдөлмөрийн баатар, МУГТ Э.Содномпилжээ дөрөв дэх медалиа хүртлээ. ДАШТ-д түүний үзүүлсэн амжилтууд:

• 2017 онд мөнгөн медаль
• 2019 онд Алтан медаль
• 2021 онд мөнгөн медаль
• 2023 онд мөнгөн медаль тус тус хүртлээ.