Урьд шөнө аваргуудын лигийн шөвгийн 16-ийн хариу тоглолтууд явагдлаа. Хуваарь ёсоор Дортмунд - Тоттенхам, Реал Мадрид - Аяакс клубуудын хооронд хариу тоглолтууд явагдсан юм.

Та бүхэндээ бид Реал Мадрид болон Аяакс клубуудын тоглолтын тоймыг хүргэсэн билээ. Уг мэдээг үзэхийг хүсвэл энд дарна уу. 

Харры Кэйн аваргуудын лигт 14 дэх гоолоо орууллаа

Дортмунд - Тоттенхам клубуудын хувьд шөвгийн 16-ийн эхний тоглолтод Тоттенхам 4:0-оор илт илүүрхсэн бол урьд шөнө Харры Кейн дахин нэг гоол оруулж нийлбэр дүнгээр Тоттенхам клуб Дортмундыг 5:0-дож цааш шөвгийн наймд шалгарч үлдлээ. Тоглолтын ерөнхий статистикийг харвал дөрвөн бөмбөгөөр хожигдож яваа Дортмунд тоглолтын эхнээс шуургалсан аюултай довтолгоонуудыг маш их хийлээ. Бөмбөг эзэмшилтийн хувьд ч 62% гэдэг бол аймшигтай үзүүлэлт. Нийт 788 удаа дамжуулалтынхаа 708-ийг нь оновчтой гүйцэтгэсэн байх юм. Гэвч гоол оруулж чадсангүй. Тоттенхам клубын хувьд өөрийн лигтээ сүүлийн үед одгүй байгаа ч тэд хүснэгтийн 3-т эрэмбэлэгдэж байгаа юм. 

Дортмунд - Тоттенхам клубуудын тоглолтын тойм бичлэгийг хүлээн авч үзнэ үү.